Los amorinos de Bastián y Bastiana

Detalles

El pasáu martes, 3 de payares, fuimos col alumnáu de Llingua asturiana y Música al Auditoriu "Teodoru Cuesta" de la Casa de la Cultura a ver l'adaptación al asturianu de la ópera de Mozart "Los amorinos de Bastián y Bastiana", de Producciones Nun Tris. L'actividá ta dientro de l'Axenda Didáctica Escolar que tolos años ufierta la Conseyería d'Educación, Cultura y Deporte.

Esta perpequeñina obra, de menos d'una hora de duración, tonu humorísticu y con namás tres protagonistes, consiguió que los alumnos y alumnes esfrutaren per primer vegada d'una ópera, daqué dafechamente desconocío pa la mayor parte d'ellos,y compartieran rises y chancies.

Dempués de l'actuación, los músicos abrieron un alderique nel que los neños y neñes felicitaron y espresaron la so almiración pol trabayu que realizaron asina como la fuerza voluntá y sacrificiu requeríos pa ello.

Nun queremos escaecer l'agradecimientu más fonderu a Producciones Nun Tris, asina como a la Casa de la Cultura de Mieres y tol equipu técnicu.